صبا لي وزير الياس*** نساني غلا مو برادتي
طارح فراش الياس*** العقل نام نومه ريحه
كنيبه مغيرايام ***سعد الياس مو ديما قوي
مالي عليك ملام*** ويا ياس ليش أتزورني ؟
ابذار الغلا من الياس *** دفين مات عرقا ماخلــب
وهذين شتاوي علي الياس
سيل الياس خذانا سرقه *** لا غيم لا شكع برقه
الياس ابْقِي لي م الصّاحِيْب *** عَلَيَّ ينْشِد وَين انْغِيْب.
بعَد ما كان الياس خَصِيْم *** اليوم امْسَلِّم لي تسلِيْم.
ما عِنْدي في الياس عَقِيْدة *** نانَس له وانْجي تحْت اِيْده.
جنِيْن غَلانا م الياسات *** تقَلَّب هِكّ وهِكّ ومات.
العَقل امتَومِج للياسات *** اللي ما وَخَّر بَرْضَه مات.
وَيْن ربِيْع غَلاي ترادَع *** فِيْه شوِي لَياس تقادَع.
مزْنة ياس رعَدْها دُوْبي *** ذابَت فَوْق مقالِب صَوْبي.
حَتَّى والياس امتَوْمِج له *** ما يموْت غَلاي الاّ بَجله.
